ನಮ್ಮ "ಅತಿಥಿ ಬರಹಗಾರರ ಅಂಕಣ" ದಲ್ಲಿ ''ಹರ್ಷವರ್ಧನ ವನಕುದುರೆ' ಅವರ ಕವನ..
ಸೋತಿತು ನನ್ನೀ ಮನವು ಧಾರವಾಡದ ಧಾರಾಕಾರ ಮಳೆಗೆ
ಮಲೆನಾಡ ಸೆರಗಿನ ಈ ಸುಂದರ ಇಳೆಗೆ
ಸಾಧನಕೇರಿಯ ಬೀದಿಯ ಸಾಲುಮರದ ಕೆಳಗೆ
ಆ ಎಲೆಗಳ ಮೇಲಿಂದ ಜಾರುವ ತುಂತುರು ಹನಿಗಳ ಒಳಗೆ
ಮುತ್ತಿನ ಹನಿಗಳು ಮತ್ತೇರಿಸುತಿವೆ ಒಳಗೊಳಗೆ
ಕಣ್ಣಿನ ರೆಪ್ಪೆಗಳು ತಡವರಿಸುತಿವೆ ಆ ಮಂಜಿನ ತಂಗಾಳಿಗೆ
ಆ ಹನಿಗಳ ಭಾರಕೆ ಉದುರುತಿವೆ ಪಾರಿಜಾತ ಕೆಳಗೆ
ಸಂಪಗೆ ಮರದಲಿನ ಗುಬ್ಬಚ್ಚಿಗಳ ಪಿಸುಮಾತು ಒಳಗೊಳಗೆ
ಪೇಢಾನಗರಿಯ ಮೈಸೊಬಗು ಎಲ್ಲೆ ಮೀರುವಂತಿದೆ ಈ ಕಳೆಗೆ
ಮತ್ತೆ ಮನ ಸೋತಿತು ಧಾರವಾಡದ ಇಳೆಗೆ ಮಳೆಗೆ
No comments:
Post a Comment