ನಮ್ಮ "ಅತಿಥಿ ಬರಹಗಾರರ ಅಂಕಣ" ದಲ್ಲಿ 'ಸೌಮ್ಯ ಮಂಡ್ಯ' ಅವರ ಕವನ..
ಜನನದ ಜತೆಗೆ ಮೊದಲ ಹೆಜ್ಜೆ
ಮರಣದ ಜತೆಗೆ ಕೊನೆಯ ಹೆಜ್ಜೆ
ಹಳಿಗಳಂತೆ ಸಾಗೋ ಜೀವನ ಪಾಡು
ಅಳಿದು ಹೋಗುವ ಈ ಬದುಕು ಗೀಜಗನ ಗೂಡು..
ಯಾರೇ ಬರಲಿ ಭೂಮಿಗೆ
ಸ್ಥಿರವಲ್ಲ ಈ ಸಂತೆ
ಯಾರೇ ಹೋಗಲಿ ನಾಳೆಗೆ
ಬಿಟ್ಹೋಗುವರು ನೆನಪ
ಕಂತೆ ಕಂತೆ
ಕೊಳೆತು ನಾರುವ ಯಾತನೆಗಳೆಷ್ಟೋ ಮನದೊಳಗೆ
ಆಗಾಗ ಬಂದ್ಹೋಗುವ ನಗುವೊಂದು ಮುಖವಾಡ ಮೊಗದೊಳಗೆ
ಹಾಕಿಕೊಂಡಿರುವುದು ನೀತಿ ನೇಮಗಳ ಜಪಮಾಲೆ
ತುಂಬಿಕೊಂಡು ನಮ್ಮೊಳಗೆ ಸ್ವಾರ್ಥ ಸುಳ್ಳುಗಳ ಸುರಿಮಳೆ
ಸಂಬಂಧಗಳ ಜೊತೆಗೆ ಸಾಗೋ
ಈ ಜೀವನ ಪಾಡು
ಕಷ್ಟ ಸುಖಗಳ ಅಲೆಗೆ ತತ್ತರಿಸೋ ಈ ಬದುಕು ಗೀಜಗನ ಗೂಡು....
No comments:
Post a Comment