ಟಿಕ್ ಟಿಕ್ ಗೆಳತಿ..

ಗೋಪುರ ಗಡಿಯರದ ಮುಳ್ಳೀನ ಮೇಲೆ

ಟಿಕ್ ಟಿಕ್ ಕುಣಿಯುವ ಮದರಂಗಿ ಪೋರಿ

ಒಮ್ಮೆ ಇತ್ತ ಕಡೆ ನೋಡು

ಕೈದಿಗಳನ್ನು ಒಮ್ಮೆಗೇ ಬೀದಿಗೆ ಬಿಟ್ಟುಕೊಟ್ಟಿವೆ ಜೇಲು

ಓಣಿಕೇರಿಯಲ್ಲಿ ಮೇಲ್ಮುಖ ಮಾಡಿ ಎಲ್ಲ

ನಿನ್ನನೇ ನೋಡುತ್ತ

ಅಪರಾಧಗಳ ಮರೆತು ನಿಂತಿರುವರು

ನಿನ್ನ ಮೈಯ ಹಳದಿಗೆ ಮುತ್ತಿವೆ ಚಿಟ್ಟೆ

ಕನ್ನಡಿಲಂಗದ ನೆಳಲು ಬೆಳಕಿನ ಹರಿಣ

ಓಡಾಡಿದೆ ಎಲ್ಲರ ಮೊಗದ ಮೇಲೆ

ಮುತ್ತೊಂದ ತೂರಿ ಬಿಡು ಸಾಕು

ನಿಂತೇ ನಿದ್ರಿಸುವರು ಅವರು ಬೊಂಬೆಗಳಂತೆ

ನಿನ್ನ ಮುತ್ತಿನಗಾಳಿಯ ಉಯ್ಯಲೆಯಲ್ಲಿ

ಈಗವರ ಕಿಸೆಗಳಲ್ಲಿ ಮೆಲ್ಲಗೆ ಮರಳಿ ಇಡು

ಪೆಪ್ಪರಮಿಂಟು ಬಳಪದ ಚೂರು

ಬಂದುಬಿದ್ದ ಗಡಿಯಾರದಂತಿರುವ ಅವರ ಮೊಗ

ಟಿಕ್ ಟಿಕ್ ಜೀವ ತಳೆದು

ಚಲಿಸುವದ ನೋಡು 

- ಜಯಂತ್ ಕಾಯ್ಕಿಣಿ 

( " ನೀಲಿ ಮಳೆ " ಕವನ ಸಂಕಲನದಿಂದ )