ಸದಾ ಕಣ್ಣಲೆ ಪ್ರಣಯದ..

ಚಿತ್ರ: ಕವಿರತ್ನ ಕಾಳಿದಾಸ (1983)

(ನಿರ್ದೇಶನ: ರೇಣುಕಾ ಶರ್ಮ)

ಸಾಹಿತ್ಯ: ಚಿ. ಉದಯಶಂಕರ್ 

ಸಂಗೀತ: ಎಂ. ರಂಗಾರಾವ್  

ಗಾಯನ: ಡಾ. ರಾಜಕುಮಾರ್ 

ಸದಾ ಕಣ್ಣಲೆ ಪ್ರಣಯದ ಕವಿತೆ ಹಾಡುವೆ 

ಸದಾ ನನ್ನಲಿ ಒಲವಿನ ಬಯಕೆ ತುಂಬುವೆ 

ಸದಾ ಕಣ್ಣಲೆ.. 

ಕಣ್ಣೆರಡು ಕಮಲಗಳಂತೆ.. ಮುಂಗುರುಳು ದುಂಬಿಗಳಂತೆ. 

ನಾಸಿಕವು ಸಂಪಿಗೆಯಂತೆ.. ನೀ ನಗಲು ಹೂ ಬಿರಿದಂತೆ 

ನಡೆಯುತಿರೆ ನಾಟ್ಯದಂತೆ.. ರತಿಯೇ ಧರೆಗಿಳಿದಂತೆ..

ಈ ಅಂದಕೆ ಸೋತೆನು.. ಸೋತೆ ನಾನು.. 

ಗುಡುಗುಗಳು ತಾಳದಂತೆ.. ಮಿಂಚುಗಳು ಮೇಳದಂತೆ.. 

ಸುರಿವ ಮಳೆ ನೀರೆಲ್ಲ.. ಪನ್ನೀರ ಹನಿಹನಿಯಂತೆ.. 

ಜೊತೆಯಾಗಿ ನೀನಿರೆ ಸಾಕು.. ಭೂಲೋಕ ಸ್ವರ್ಗದಂತೆ..

ಈ ಪ್ರೇಮಕೆ ಸೋತೆನು.. ಸೋತೆ ನಾನು.. 

ಸದಾ ಕಣ್ಣಲೆ ಪ್ರಣಯದ ಕವಿತೆ ಹಾಡುವೆ.. 

ಸದಾ ನನ್ನಲಿ ಒಲವಿನ ಬಯಕೆ ತುಂಬುವೆ.. ಸದಾ ಕಣ್ಣಲೆ..