ತೆರೆದಿದೆ ಮನೆ ಓ ಬಾ ಅತಿಥಿ..

ಚಿತ್ರ: ಹೊಸಬೆಳಕು (1982) 

"ವಾಣಿ" ಯವರ 'ಹೊಸಬೆಳಕು' ಕಾದಂಬರಿ ಆಧಾರಿತ

(ನಿರ್ದೇಶನ: ದೊರೈ ಭಗವಾನ್)

ಸಾಹಿತ್ಯ: ಕುವೆಂಪು  

ಸಂಗೀತ: ಎಂ. ರಂಗಾರಾವ್ 

ಗಾಯನ: ಎಸ್. ಜಾನಕಿ, ವಾಣಿ ಜಯರಾಮ್ 

ತೆರೆದಿದೆ ಮನೆ ಓ ಬಾ ಅತಿಥಿ

ಹೊಸಬೆಳಕಿನ ಹೊಸಗಾಳಿಯಾ

ಹೊಸಬಾಳನು ತಾ ಅತಿಥಿ

ಆವರೂಪದೊಳು ಬಂದರು ಸರಿಯೇ

ಆವವೇಷದೊಳು ನಿಂದರು ಸರಿಯೇ

ನೇಸರುದಯದೊಳು ಬಹೆಯಾ ಬಾ

ತಿಂಗಳಂದದಲಿ ಬಹೆಯಾ ಬಾ

ತೆರೆದಿದೆ ಮನೆ ಓ ಬಾ ಅತಿಥಿ...

ಇಂತಾದರು ಬಾ ಅಂತಾದರು ಬಾ

ಎಂತಾದರು ಬಾ ಬಾ

ಬೇಸರವಿದಕೂ ಸರಿಸುವ ಹೊಸ ಬಾಳ

ಉಸಿರಾಗಿ ಬಾ ಬಾ ಬಾ

ತೆರೆದಿದೆ ಮನೆ ಓ ಬಾ ಅತಿಥಿ...

ಕಡಲಾಗಿ ಬಾ ಬಾನಾಗಿ ಬಾ

ಗಿರಿಯಾಗಿ ಬಾ ಕಾನಾಗಿ ಬಾ

ಕಡಲಾಗಿ ಬಾನಾಗಿಗಿರಿಯಾಗಿ ಕಾನಾಗಿ

ತೆರೆದಿದೆ ಮನ ಓ ಬಾ

ಹೊಸ ತಾನದ ಹೊಸ ಗಾನದ

ಹೊಸ ತಾನದ ಹೊಸ ಗಾನದ

ರಸ ಜೀವವ ತಾ ತಾ ತಾ

ತೆರೆದಿದೆ ಮನೆ ಓ ಬಾ ಅತಿಥಿ.