ಅಳಬೇಡ ತಂಗಿ ಅಳಬೇಡ..

ಅಳಬೇಡ ತಂಗಿ ಅಳಬೇಡ

ನಿನ್ನ ಕಳುಹಬಂದವರಿಲ್ಲಿ ಉಳುಹಿಕೊಂಬವರಿಲ್ಲ

ಖಡೀಕೀಲೆ ಉಡಿಯಕ್ಕಿ ಹಾಕಿದರವ್ವಾ

ಒಳ್ಳೆ ದುಡಕೀಲೆ ಮುಂದಕ್ಕೆ ನೂಕಿದರವ್ವಾ

ಮಿಡಕ್ಯಾಡಿ ಮದುವ್ಯಾದಿ ಮೋಜು ಕಾಣವ್ವ

ಹುಡುಕ್ಯಾಡಿ ಮಾಯದ ಮರವೇರಿದೆವ್ವಾ

ಆಳಬೇಡ ತಂಗಿ ಅಳಬೇಡ

ನಿನ್ನ ಕಳುಹಬಂದವರಿಲ್ಲಿ ಉಳುಹಿಕೊಂಬವರಿಲ್ಲ

ಆಳಬೇಡ ತಂಗಿ ಅಳಬೇಡ

ರಂಗೀಲಿ ಉಟ್ಟೀದಿ ರೇಶ್ಮಿ ಧಡಿ ಸೀರಿ ಮತ್ತ

ಹಂಗನೂಲಿನ ಪರವಿ ಮರತವ್ವ ನಾರಿ

ಮಂಗಳ ಮೂರುತಿ ಶಿಶುವಾಳಧೀಶನ

ಆಂಗಳಕ ನೀ ಹೊರತು ಆದೆವ್ವ ಗೌರಿ

ನಿನ್ನ ಕಳುಹಬಂದವರಿಲ್ಲಿ ಉಳುಹಿಕೊಂಬವರಿಲ್ಲ

ಆಳಬೇಡ ತಂಗಿ ಅಳಬೇಡ 

                                                  - ಸಂತ ಶಿಶುನಾಳ ಶರೀಫ