ದೀಪಾವಳಿ..

ಹೂವು ಬಳ್ಳಿಗೆ ದೀಪ; 

ಹಸಿರು ಬಯಲಿಗೆ ದೀಪ; 

ಹುಲಿಯ ಕಣ್ಣಿನ ದೀಪ ಕಾಡಿನಲ್ಲಿ; 

ಮುತ್ತು ಕಡಲಿಗೆ ದೀಪ;

ಹಕ್ಕಿ ಗಾಳಿಗೆ ದೀಪ; 

ಗ್ರಹತಾರೆಗಳ ದೀಪ ಬಾನಿನಲ್ಲಿ.. 

ಬಲ್ಮೆ ತೋಳಿಗೆ ದೀಪ; 

ದುಡಿಮೆ ಬೆವರಿನ ದೀಪ; 

ಸಹನೆ ಅನುಭವ - ದೀಪ ಬದುಕಿನಲ್ಲಿ; 

ಮುನಿಸು ಒಲವಿಗೆ ದೀಪ; 

ಉಣಿಸು ಒಡಲಿಗೆ ದೀಪ; 

ಕರುಣೆ ನಂದಾದೀಪ ಲೋಕದಲ್ಲಿ.. 

ತೋರಣದ ತಳಿರಲ್ಲಿ; 

ಹೊಸಿಲ ಹಣತೆಗಳಲ್ಲಿ; 

ಬಾಣಬಿರುಸುಗಳಲ್ಲಿ ನಲಿವು ಮೂಡಿ; 

ಕತ್ತಲೆಯ ಪುಟಗಳಲಿ;

ಬೆಳಕಿನಕ್ಷರಗಳಲಿ;

ದೀಪಗಳ ಸಂದೇಶ ಥಳಥಳಿಸಲಿ!! 

ಬೆಳಕಿನಸ್ತಿತ್ವವನೆ; 

ಅಣಕಿಸುವ ಕತ್ತಲೆಗೆ; 

ತಕ್ಕ ಉತ್ತರವಲ್ಲಿ ಕೇಳಿಬರಲಿ;

ದೀಪಾವಳಿಯ ಜ್ಯೋತಿ; 

ಅಭಯ ಹಸ್ತವನೆತ್ತಿ; 

ಎಲ್ಲರಿಗೆ ಎಲ್ಲಕ್ಕೆ ಶುಭಕೋರಲಿ !!

                         - ಕೆ. ಎಸ್. ನರಸಿಂಹಸ್ವಾಮಿ