ಭಾವತರಂಗ..

Friday, July 6, 2018

ನೀನೇ.. ಬರೀ ನೀನೇ..

ಶ್ವಾಸದಲಿ ಜೀವ ಬೆರೆತಂತೆ,
ಪ್ರೀತಿಯಲಿ ಕರುಣೆ ಅಡಗಿದಂತೆ,
ಹೃದಯಬಡಿತದಲಿ ಅಡಗಿದ ರಾಗ ತಾಳದಂತೆ,
ಜೀವನದ ರಥಬೀದಿಯ ಪಲ್ಲಕ್ಕಿಯ ಮೇಳದಂತೆ,
ನಿನ್ನನೋಡಲೆಂದೇ ಜಗವು ನನ್ನಲ್ಲಿಲ್ಲಿಗೆ ಕರೆತಂದಂತೆ...

ಅಡಗಿ ಕುಳಿತಿರುವೆ ನೀ ಮನದ ಮೂಲೆಮೂಲೆಯಲಿ..
ನಿನ್ನ ಆಪ್ತತೆಯನ್ನು ಹೇಗೆ ಬಣ್ಣಿಸಲಿ ಬರಿ ಪದಗಳಲಿ..

ಕನಸಲಿ.. ಕನವರಿಕೆಯಲಿ.. ನೀನೇ.. ಬರೀ ನೀನೇ..
ನನ್ನ ಒಡಲಾಳದಲಿ ಅಡಗಿರುವ ಸ್ವಾತಿಮುತ್ತು ನೀನೇ..
ಈ ಮಧುರ ಜೀವನದ ಅಭಿರುಚಿಯ ಕರ್ತೃವೂ ನೀನೇ..

- ರಿಪುವರ್ಧನ..

Like this post? Like & Share my Facebook page so that you never miss out any article: Click here

ನನ್ನ ಬಗ್ಗೆ ಒಂದಿಷ್ಟು :

ಕನ್ನಡ ಸಾಹಿತ್ಯ /ಕಲಾಸೇವೆ ಮಾಡಿದ ಜೀವಗಳಿಗೆ ನನ್ನ ಹೃದಯಪೂರ್ವಕ ನಮನ..
ಕವಿಗಳು ಸುಲಭವಾಗಿ ಅರ್ಥವಾಗುವುದಿಲ್ಲ.. ಥಟ್ಟನೆ ಅರ್ಥವಾಗುವವರನ್ನು 'ಕವಿ' ಎನ್ನಲು ಸಾಧ್ಯವಿಲ್ಲವೇನೋ....!!

ಕಾಡುವ ಹಾಡುಗಳನ್ನು ಪದೇ ಪದೇ ಕೇಳುವುದು, ಓದುವುದು ನನ್ನ ಹವ್ಯಾಸ. ಸಾಹಿತ್ಯದ ಸೆಳೆತವೇ ಅಂಥದ್ದು. ಅಂತಹ ಸಾಹಿತ್ಯ, ಹಾಡುಗಳು, ಕವನಗಳು, ಪದ್ಯಗಳು, ಚಿತ್ರ ಗೀತೆಗಳು ಒಂದೇ ಕಡೆ ಲಭ್ಯವಾಗುವಂತೆ ಮಾಡಿ, ಸಾಹಿತ್ಯದೆಡೆಗೆ ಓದುಗರ ಒಲವು ಮೂಡಿಸುವ ನನ್ನ ಪ್ರಯತ್ನ..

ಹವ್ಯಾಸಿ ಬರಹಗಾರರಿಗೆ ವೇದಿಕೆಯಾಗುವ, ಅವರ ಲೇಖನಗಳನ್ನು ಅವರ ಪರಿಚಯದೊಂದಿಗೆ ಜನರಲ್ಲಿಗೆ ತಲುಪಿಸುವ ಪ್ರಯತ್ನ ಈ ಮೂಲಕ....

ಇದೇ ಈ ಭಾವನೆಗಳ "ಭಾವತರಂಗ"..

ಈ ಬ್ಲಾಗ್ ಗೆ ಸಬ್ಸ್ಕ್ರೈಬ್ ಆಗಿ. ಹಾಗೇ.. ನನ್ನ 'ಭಾವತರಂಗ' ಫೇಸ್ ಬುಕ್ ಪೇಜ್ ಲೈಕ್ ಮಾಡಿ. ಸಲಹೆ, ಸೂಚನೆಗಳನ್ನು ಕೊಡಲು ಮರೆಯದಿರಿ...

ನನ್ನ ಬಗ್ಗೆ ಇನ್ನೊಂದಿಷ್ಟು : ಓದಲು ಇಲ್ಲಿ ಕ್ಲಿಕ್ ಮಾಡಿ